Foto: Polisia.kz
Almaty men Túrkistanda terrorizmdi nasihattady degen kúdikpen eki er adam ustaldy, – dep habarlaidy "Ult aqparat" Polisia.kz portalyna silteme jasap.
"Almaty qalasynyń Politsiia departamenti UQKD-men birge terrorizm ideialaryn nasihattady degen kúdiktini quryqtady.
Ustalǵan adam Qazaqstan Respýblikasynda tyiym salynǵan “Hizb-ýt-Tahrir ál-Islami” dini-ekstremistik uiymynyń jaqtaýshysy bolyp tabylady.
Sonymen qatar Túrkistanda oblystyq PD qyzmetkerleri prokýratýranyń úilestirýimen terrorizm ideialaryn nasihattady degen kúdikpen jergilikti turǵyndy ustady.
Er adam Qazaqstanda sot sheshimimen tyiym salynǵan “DAISh” halyqaralyq terroristik uiymy ideologiiasynyń jaqtaýshysy bolyp tabylady" - delingen habarlamada.
IIM baspasóz qyzmeti málimetinshe, kúdiktilerdiń turǵylyqty jerin tintý kezinde dini ádebietter men ózge de zattai dáleldemeler tárkilengen.
Qylmystyq kodekstiń 256-babynyń 1-bóligi “Terrorizmdi nasihattaý nemese terrorizm aktisin jasaýǵa jariia túrde shaqyrý” boiynsha sotqa deiingi tergep-tekserý júrgizilip jatyr.
Tergeý ýaqytynda ustalǵandarǵa qamaýǵa alý túrindegi bultartpaý sharasy tańdaldy.
