Almaty jáne Taldyqorǵan qalasynda janar-jaǵarmai beketin tonaǵan qylmysker ustaldy, dep habarlaidy QazAqparat Almaty oblystyq politsiia departamentiniń baspasóz qyzmetine silteme jasap.
Politsiia eki qaladaǵy janarmai beketterine qarýly shabýyl jasaǵan 27 jastaǵy taldyqorǵandyq taksi júrgizýshisin ustady.
«Respýblikalyq tasjoldyń birinde jedel ýákilder jeńsiz keýdeshe, kózge arnalǵan oiyqtary bar toqylǵan bas kiim men urlanǵan qol sómkeni tapty. Kúdikti 27 jastaǵy taldyqorǵandyq bolyp shyqty. Ol jalǵa «Toyota Camry» avtokóligin alyp, taksi qyzmetimen ainalysqan», - dedi Almaty oblysy politsiia departamenti basshysynyń orynbasary Eldar Ábdikenov.
Sondai-aq, resmi habarlamada aiyptynyń avtokóligin tintý kezinde alty patrony bar RS-31 revolveri tabylǵany aitylǵan.
«Ol qarýdy eki qylmys jasaý kezinde de qoldanǵan. Qarý tárkilenip, ballistikalyq saraptamaǵa jiberildi», - deidi vedomstvodan.
