Almaty qalasynyń ákimi Baqytjan Saǵyntaev Koreia Respýblikasynyń Bas konsýly Kim Hyng Sýmen kezdesti.
Kezdesýde saýda-ekonomikalyq qatynastardyń qazirgi jaǵdaiy men múmkindikteri, mádeni-gýmanitarlyq bailanystardy nyǵaitý máseleleri talqylandy, dep habarlaidy "Ult aqparat".
Qazaqstan Prezidenti Kasym-Jomart Toqaev óńirlerdiń investitsiialyq tartymdylyǵyn arttyrý mindetin júktedi. Ońtústik Koreia - Qazaqstannyń 12 iri saýda seriktesteriniń biri. Sońǵy 10 jyl ishinde Ońtústik Koreianyń Qazaqstan ekonomikasyna salǵan investitsiiasynyń kólemi 4,5 mlrd. AQSh dollaryn qurady.
Almatyda Ońtústik Koreia kapitalymen jumys isteitin 320 kásiporyn bar. Olar saýda, meditsina, qurylys jáne telekommýnikatsiia salalary.
B.Saǵyntaev Almatyda ashylǵan Koreianyń saýda jáne investitsiialar agenttigi (KOTRA) ókildiginiń iskerlik bailanystardy nyǵaitýdaǵy mańyzdy rólin atap ótti. Osy jyldyń 5 aiynda ótken jyldyń sáikes kezeńimen salystyrǵanda taýar ainalymynyń ósimi 5,5%-dy qurady.
Almaty ákimi qalada munaiǵa táýelsiz servistik ekonomika damyǵanyn atap ótti.
Almaty elimizdiń qarjy-ekonomikalyq ortalyǵy retinde joǵary investitsiialyq tartymdylyqqa ie. Qalada 185 myńnan astam orta jáne shaǵyn biznes bar. Indýstrialdy aimaqta, investitsiialyq jobalarǵa birqatar jeńildikter qarastyrylǵan. Osy jyldyń sáýir aiynda atalǵan aimaqta Hyndai zaýytynyń qurylysy bastaldy.
Infraqurylym men kólik salasyndaǵy yntymaqtastyq damýda. Ótken jyly Almaty qalasyn «Batys Eýropa - Batys Qytai» júiesine qosatyn ýlken Almaty ainalma joldyń qurylysy bastaldy. Qurylysqa ońtústikkoreialyq SK Group, Korea Expressway Corporation kompaniialary qatysýda. Sonymen qatar, Hyundai Rotem men Almaty mitropoliti arasynda elektrlik jyljymaly quramdy jetkizýge kelisimshart jasaldy.
