الماتى قالاسىنىڭ ەكٸمٸ باقىتجان ساعىنتاەۆ كورەيا رەسپۋبليكاسىنىڭ باس كونسۋلى كيم حىنگ سۋمەن كەزدەستٸ.
كەزدەسۋدە ساۋدا-ەكونوميكالىق قاتىناستاردىڭ قازٸرگٸ جاعدايى مەن مٷمكٸندٸكتەرٸ, مەدەني-گۋمانيتارلىق بايلانىستاردى نىعايتۋ مەسەلەلەرٸ تالقىلاندى, دەپ حابارلايدى "ۇلت اقپارات".
قازاقستان پرەزيدەنتٸ كاسىم-جومارت توقاەۆ ٶڭٸرلەردٸڭ ينۆەستيتسييالىق تارتىمدىلىعىن ارتتىرۋ مٸندەتٸن جٷكتەدٸ. وڭتٷستٸك كورەيا - قازاقستاننىڭ 12 ٸرٸ ساۋدا سەرٸكتەستەرٸنٸڭ بٸرٸ. سوڭعى 10 جىل ٸشٸندە وڭتٷستٸك كورەيانىڭ قازاقستان ەكونوميكاسىنا سالعان ينۆەستيتسيياسىنىڭ كٶلەمٸ 4,5 ملرد. اقش دوللارىن قۇرادى.
الماتىدا وڭتٷستٸك كورەيا كاپيتالىمەن جۇمىس ٸستەيتٸن 320 كەسٸپورىن بار. ولار ساۋدا, مەديتسينا, قۇرىلىس جەنە تەلەكوممۋنيكاتسييا سالالارى.
ب.ساعىنتاەۆ الماتىدا اشىلعان كورەيانىڭ ساۋدا جەنە ينۆەستيتسييالار اگەنتتٸگٸ (KOTRA) ٶكٸلدٸگٸنٸڭ ٸسكەرلٸك بايلانىستاردى نىعايتۋداعى ماڭىزدى رٶلٸن اتاپ ٶتتٸ. وسى جىلدىڭ 5 ايىندا ٶتكەن جىلدىڭ سەيكەس كەزەڭٸمەن سالىستىرعاندا تاۋار اينالىمىنىڭ ٶسٸمٸ 5,5%-دى قۇرادى.
الماتى ەكٸمٸ قالادا مۇنايعا تەۋەلسٸز سەرۆيستٸك ەكونوميكا دامىعانىن اتاپ ٶتتٸ.
الماتى ەلٸمٸزدٸڭ قارجى-ەكونوميكالىق ورتالىعى رەتٸندە جوعارى ينۆەستيتسييالىق تارتىمدىلىققا يە. قالادا 185 مىڭنان استام ورتا جەنە شاعىن بيزنەس بار. يندۋستريالدى ايماقتا, ينۆەستيتسييالىق جوبالارعا بٸرقاتار جەڭٸلدٸكتەر قاراستىرىلعان. وسى جىلدىڭ سەۋٸر ايىندا اتالعان ايماقتا Hyndai زاۋىتىنىڭ قۇرىلىسى باستالدى.
ينفراقۇرىلىم مەن كٶلٸك سالاسىنداعى ىنتىماقتاستىق دامۋدا. ٶتكەن جىلى الماتى قالاسىن «باتىس ەۋروپا - باتىس قىتاي» جٷيەسٸنە قوساتىن ۋلكەن الماتى اينالما جولدىڭ قۇرىلىسى باستالدى. قۇرىلىسقا وڭتٷستٸككورەيالىق SK Group, Korea Expressway Corporation كومپانييالارى قاتىسۋدا. سونىمەن قاتار, Hyundai Rotem مەن الماتى ميتروپوليتٸ اراسىندا ەلەكترلٸك جىلجىمالى قۇرامدى جەتكٸزۋگە كەلٸسٸمشارت جاسالدى.
