Foto: ashyq derekkóz
Kólik vitse-ministri Talǵat Lastaev Thai Air Asia X kompaniiasynyń bas atqarýshy direktory Pattra Býsaravongse hanymmen kezdesti, dep habarlady Ult.kz.
Kezdesýde Pattra Býsaravongse 2025 jyldyń 1 jeltoqsanynan bastap Almaty men Bangkok arasynda aptasyna tórt ret tikelei reis ashý josparymen bólisti. Ushýlar Airbus A330 ushaǵymen oryndalmaq.
Sonymen qatar, Thai Air Asia X Almatydan Eýropanyń Berlin (Germaniia) jáne Manchester (Ulybritaniia) qalalaryna «ashyq aspan» rejimi aiasynda, «áýe erkindiginiń» 5-shi dárejesin paidalana otyryp, reister ashýǵa qyzyǵýshylyq tanytty.
Kólik ministrligi óz kezeginde sheteldik kompaniiaǵa qajetti qoldaý kórsetýge daiyn ekenin málimdedi. Vedomstvo ókilderiniń aitýynsha, jańa baǵyttar týrizm men iskerlik bailanystardy damytýǵa, sondai-aq eki el arasyndaǵy qatynasty nyǵaitýǵa eleýli úles qosady.
Thai Air Asia X – Tailandtyń orta jáne uzaq qashyqtyqqa ushatyn halyqaralyq áýe kompaniiasy. Ol Japoniia, Koreia, Úndistan, Avstraliia, Iran, Oman jáne basqa da elderge reister oryndaidy. Kompaniianyń áýe parki toǵyz Airbus A330 ushaǵynan turady.
