Foto: gov.kz
Jasandy intellekt jáne tsifrlyq damý ministrligi, amerikalyq Joby Aero, Inc. kompaniiasy, Alatau Advance Air Group Ltd. jáne kásipker Viacheslav Kim ózara túsinistik jónindegi memorandýmǵa qol qoidy. Bul týraly Jasandy intellekt jáne tsifrlyq damý ministrligi habarlady.
Oǵan sáikes Alataý qalasynda áýe taksi júiesin qurý maqsatynda shamamen 300 mln AQSh dollaryna elektrli eVTOL ushaqtaryn satyp alý kózdelip otyr.
Ministrlik málimtinshe, bul tiginen ushyp-qonatyn innovatsiialyq ushý apparattary Qazaqstandaǵy alǵashqy qalalyq áýe mobildiligi (Urban Air Mobility) jobasynyń negizi bolmaq. Joba aiasynda sertifikattaý jáne demonstratsiialyq ushýlarǵa arnalǵan synaq alańyn qurý, sondai-aq Alataý men Almaty qalalarynyń kólik jelisine áýe taksidi integratsiialaý josparlanyp otyr.
– Qazaqstan innovatsiialyq kóliktiń bolashaǵyna qadam basyp jatyr. Elektrli eVTOL ushaqtaryn satyp alý - smart qalalar men zamanaýi tehnologiialardy engizý baǵytyndaǵy mańyzdy kezeń. Bul shara Alataý qalasyn bolashaqtyń joǵary tehnologiialy, biregei qala retinde damytýǵa serpin beredi, - dedi Qazaqstan Respýblikasynyń Premer-ministriniń orynbasary – Jasandy intellekt jáne tsifrlyq damý ministri Jaslan Mádiev.
Joby Aero, Inc. (AQSh) – eVTOL aviatsiia salasyndaǵy álemdik kóshbasshy, sertifikattalǵan elektrli áýe taksileriniń ázirleýshisi.
Viacheslav Kim – Kaspi.kz direktorlar keńesiniń tóraǵasy, «Alataý qalasy» jobasynyń investory.
Alatau Advance Air Group Ltd. – Qazaqstandaǵy áýe mobildiligi tehnologiialarynyń operatory jáne integratory.
Biyl aqpan aiynda Kólik ministri Almaty men Alataý qalasynyń arasynda sýtegimen júretin tikushaq-taksi paida bolýy múmkin ekenin aitty.
Qazaqstandaǵy alǵashqy áýe taksii Almaty oblysynda synaqtan ótedi.
