Megapoliste «Almaty qalasynyń bilim berý júiesiniń ózekti máseleleri» taqyrybynda Bilim basqarmasynyń keńeitilgen otyrysy ótti. Jiynǵa qala ákiminiń orynbasary Abzal Núkenov tóraǵalyq etti. Otyrysqa prokýratýra, bilim sapasyn qamtamasyz etý departamentteri, sanitariialyq-epidemiologiialyq baqylaý jáne politsiia organdary, tótenshe jaǵdailar departamenti, sondai-aq memlekettik jáne jekemenshik mektepterdiń, mektep-internattardyń, qosymsha bilim berý uiymdarynyń basshylary qatysty.
Májilis barysynda bilim berý uiymdarynda zańdylyq pen qaýipsizdikti qamtamasyz etýge jaýapty salalyq vedomstvolardyń baiandamalary tyńdaldy. Qatysýshylarǵa baqylaý-qadaǵalaý sharalarynyń qorytyndylary, bilim sapasynyń syrtqy baǵalaýynyń nátijeleri, profilaktikalyq jáne tárbielik jumystardyń jai-kúii, sanitarlyq jáne órt qaýipsizdigi normalarynyń saqtalýy týraly esepter usynyldy. Sonymen qatar oqý úderisine júrgizilgen keshendi monitoringtiń túiinderi tanystyryldy. Jekelegen mektepterdiń basshylary anyqtalǵan zańbuzýshylyqtar boiynsha túsinikteme berip, olardy joiý maqsatynda qabyldanǵan sharalar týraly baiandady.
Belgili bolǵandai, búgingi tańda elimizde «Zań jáne tártip» qaǵidatyna erekshe mán berilip otyr. Osyǵan bailanysty Abzal Núkenovtyń aitýynsha, «balalarǵa adaldyqty, qoǵamdyq ómirdiń normalary men erejelerin mektep qabyrǵasynan bastap darytý qajet».
Sondai-aq qala ákiminiń orynbasary inkliýzivti bilim berýdi damytýdyń mańyzdylyǵyna toqtalyp, bilim berý uiymdarynda ádistemelik jáne kadrlyq qamtamasyz etý jumystaryn kúsheitýdi usyndy.
Odan ári Abzal Núkenov bilim sapasy máselesine nazar aýdaryp, pedagogtardy, sonyń ishinde jekemenshik mektepterdiń muǵalimderin de, oqytý úderisine barynsha jaýapkershilikpen qaraýǵa shaqyrdy.
Sóziniń qorytyndysynda qala ákiminiń orynbasary quramyna aýdan ákimderi orynbasarlary, mektep ókilderi, iývenaldy politsiia qyzmetkerleri, áleýmettik qyzmetter ókilderi kiretin jumys qurylymyn qurýdy usyndy. Atalǵan qurylym mektepterdegi qaýipsizdik máseleleri boiynsha aldyn alý baǵytynda jumys istep, qalalyq qurylymdar arasyndaǵy kommýnikatsiiany jolǵa qoiýmen ainalysatyn bolady.
Keńes qorytyndysyn shyǵara kele, Abzal Núkenov oqýshylar arasynda tárbie jumysyna jáne azamattyq qundylyqtardy qalyptastyrýǵa baǵyttalǵan sharalarǵa erekshe kóńil bólýdiń qajettigin atap ótti.
«Memleket balalardyń bilim alýyna barlyq jaǵdai jasap otyr. Biz úshin eń bastysy – júzege asyrylyp jatqan baǵdarlamalardyń naqty nátije berýin qamtamasyz etý. Mektep direktorlarynyń moinynda úlken jaýapkershilik tur, sondyqtan óz jumystaryna syn kózben qarap, týyndaǵan máselelerdi der kezinde sheshýdi suraimyn», – dedi ol.
Otyrysta óskeleń urpaqty «Taza Qazaqstan» jalpyulttyq ekojobasyna keńinen tartý máselesine airyqsha kóńil bólindi. Osyǵan orai Almaty qalasy ákiminiń orynbasary qaladaǵy barlyq mektepterde «Taza mektep – taza qoǵam» bastamasyn engizýdi tapsyrdy. Jobanyń negizgi maqsaty – balalardyń ekologiialyq mádenietin qalyptastyrý, qorshaǵan ortanyń tazalyǵyna jeke jaýapkershilik sezimin arttyrý, ár adamnyń ádil ári ekologiialyq turaqty qoǵam qurýdaǵy rólin túsindirý.
– Adamdy qorshaǵan ortanyń tazalyǵy, oidyń tazalyǵy men istiń tazalyǵy, sondai-aq adaldyq – bul ózara tutasqan úsh maqsat, jáne olar óskeleń urpaqty tárbieleýdiń basty qaǵidattaryna ainalýy tiis, – dedi ol.
Sonymen qatar basym baǵyttardyń qatarynda qarjylyq tártip, memlekettik satyp alýdyń ashyqtyǵy, zańdylyq pen quqyqtyq tártipti saqtaý máseleleri de atap ótildi. Jasóspirimderdiń táýekeldi (qaýipti) minez-qulqynyń aldyn alý da negizgi taqyryptardyń biri boldy. Bul rette pedagogtar men psihologtardyń birlesken jumysynyń mańyzy erekshe ekeni atap ótildi. Qala ákiminiń orynbasary kóterilgen máselelerdi sheshý úshin naqty is-sharalardy qamtityn jol kartasyn ázirleýdi usyndy jáne Almatynyń bilim berý salasynda kóshbasshy retindegi ornyn saqtap qalýy qajettigin erekshe qadap aitty.
Núkenov, sonymen birge, balalarda syni oilaý daǵdylaryn qalyptastyrý jáne ideologiialyq qundylyqtardy nyǵaitý qajettigine nazar aýdardy. Onyń aitýynsha, «Adal azamat» baǵdarlamasy jaýapkershiligi joǵary azamatty tárbieleýde mańyzdy ról atqarady.
Óz kezeginde Almaty qalalyq Bilim basqarmasynyń basshysy Sairan Saifedenov tárbie úderisi ata-analardyń belsendi qatysýyn talap etetinin tilge tiek etti.
«Bala otbasynda ne kórse, sony boiyna sińiredi. Mektep óz fýnktsiialaryn oryndaidy, alaida memleket ata-ananyń ornyn basa almaidy. Ortaq kúsh-jiger ǵana deni saý, bilimdi ári shyǵarmashyl urpaq tárbieleýge múmkindik beredi», – dedi ol.
Jiyn qorytyndysy boiynsha bilim berý úderisiniń sapasyn arttyrýǵa, vedomstvoaralyq ózara is-qimyldy kúsheitýge, balalar úshin qaýipsiz ári jaily orta qalyptastyrýǵa baǵyttalǵan naqty sharalardy kózdeitin rezoliýtsiia qabyldandy.
