Almatyda mektepte kiim alýǵa talasqan balalardyń kesirinen bir bala jaraqat aldy, dep habarlaidy "Ult aqparat".
Video áleýmettik jelide jariialandy. Video avtorynyń aitýynsha, oqiǵa 7 aqpanda №5 mektepte bolǵan. Oqys oqiǵanyń kesirinen bir bala aiaǵynan jaraqat aldy.
Gimnaziia direktorynyń mindetin atqarýshy Sáýle Jumabekovanyń aitýynsha, balanyń aiaǵy synbaǵan. Tek sińiri sozylǵan.
«Bizde garderob ortaq. 5-sabaqtan soń úilerine asyqqan oqýshylar garderob esigi ashyla salysymen bir-birin taptap ketken. Bir balanyń sińiri sozylyp ketti. Ata-analaryn, jedel járdem shaqyrdyq. Qazir bala úiinde, jaǵdaiy jaman emes», - dedi ol.
Sáýle Jumabekovanyń aitýynsha, mundai jaǵdai mektepte birinshi ret bolyp tur. Buryn barlyq oqýshylarǵa ortaq garderob bolsa, qazir ár synyp oqýshylary óz synybynda sheshinetin boldy.
Bul mektepte oqýshy orny tapshy. Mektep 860 orynǵa arnalǵan bolsa da 2257 bala oqyp jatyr.
