Almaty qalasy máslihatynyń depýtattary koronavirýsqa qarsy ekpe saldyrdy, dep habarlaidy "Ult aqparat".
Vaktsina Almaty qalasyndaǵy №5 emhanada salyndy. Almatynyń máslihat depýtattary aldymen dárigerlerdiń tekserýinen ótip, qan taldamasyn tapsyrdy. Ekpe alǵannan keiin 30 minýt boiy dáriger baqylaýynda boldy.
«Pandemiia kezinde koronavirýs juqtyryp alý qaýpi vaktsina saldyrý qaýpimen salystyrǵanda áldeqaida joǵary ekenin túsinemin. Biz adamdar arasynda jii júremiz, sondyqtan vaktsina óte mańyzdy. DDU paiymdaýynsha, jappai vaktsinalaýdyń arqasynda ǵana pandemiiany toqtatyp, adamdardyń ómirin saqtap qalýǵa bolady», - dedi máslihat depýtaty Stanislav Kankýrov.
Aita keteiik, 2021 jyldyń 1 aqpanynda elimizde halyqty jappai vaktsinalaýǵa arnalǵan aýqymdy shara bastaldy.
«Dáriger bolǵandyqtan, koronavirýstyń taralýyna jappai vaktsinatsiia ǵana qarsy tura alatynyn bilemin. Immýndaý aýrý qaýpin birneshe esege azaitatynyn túsinýimiz kerek. Búgin áriptesterimizben birge halyqtyń qaýipsizdigi biz úshin asa mańyzdy ekenin kórsetkimiz keledi. Bul virýsty osylai ǵana jeńe alamyz», - dedi máslihat depýtaty Ásiia Aqanova.
Aita keteiik, Qazaqstanda koronavirýstan vaktsinalaý tegin jáne erikti túrde júrip jatyr.
