الماتى قالاسى مەسليحاتىنىڭ دەپۋتاتتارى كوروناۆيرۋسقا قارسى ەكپە سالدىردى, دەپ حابارلايدى "ۇلت اقپارات".
ۆاكتسينا الماتى قالاسىنداعى №5 ەمحانادا سالىندى. الماتىنىڭ مەسليحات دەپۋتاتتارى الدىمەن دەرٸگەرلەردٸڭ تەكسەرۋٸنەن ٶتٸپ, قان تالداماسىن تاپسىردى. ەكپە العاننان كەيٸن 30 مينۋت بويى دەرٸگەر باقىلاۋىندا بولدى.
«پاندەمييا كەزٸندە كوروناۆيرۋس جۇقتىرىپ الۋ قاۋپٸ ۆاكتسينا سالدىرۋ قاۋپٸمەن سالىستىرعاندا ەلدەقايدا جوعارى ەكەنٸن تٷسٸنەمٸن. بٸز ادامدار اراسىندا جيٸ جٷرەمٸز, سوندىقتان ۆاكتسينا ٶتە ماڭىزدى. ددۇ پايىمداۋىنشا, جاپپاي ۆاكتسينالاۋدىڭ ارقاسىندا عانا پاندەمييانى توقتاتىپ, ادامداردىڭ ٶمٸرٸن ساقتاپ قالۋعا بولادى», - دەدٸ مەسليحات دەپۋتاتى ستانيسلاۆ كانكۋروۆ.
ايتا كەتەيٸك, 2021 جىلدىڭ 1 اقپانىندا ەلٸمٸزدە حالىقتى جاپپاي ۆاكتسينالاۋعا ارنالعان اۋقىمدى شارا باستالدى.
«دەرٸگەر بولعاندىقتان, كوروناۆيرۋستىڭ تارالۋىنا جاپپاي ۆاكتسيناتسييا عانا قارسى تۇرا الاتىنىن بٸلەمٸن. يممۋنداۋ اۋرۋ قاۋپٸن بٸرنەشە ەسەگە ازايتاتىنىن تٷسٸنۋٸمٸز كەرەك. بٷگٸن ەرٸپتەستەرٸمٸزبەن بٸرگە حالىقتىڭ قاۋٸپسٸزدٸگٸ بٸز ٷشٸن اسا ماڭىزدى ەكەنٸن كٶرسەتكٸمٸز كەلەدٸ. بۇل ۆيرۋستى وسىلاي عانا جەڭە الامىز», - دەدٸ مەسليحات دەپۋتاتى ەسييا اقانوۆا.
ايتا كەتەيٸك, قازاقستاندا كوروناۆيرۋستان ۆاكتسينالاۋ تەگٸن جەنە ەرٸكتٸ تٷردە جٷرٸپ جاتىر.
