Foto: almaty-marathon.kz
Almaty ákimdiginiń málimetinshe, biyl marafonǵa 60-tan astam elden kelgen 16 myń adam qatyspaq, dep habarlaidy Ult.kz.
Sol sebepti 28 qyrkúiek kúni saǵat 06:00-den 12:30-ǵa deiin marafon qashyqtyqtary ótetin joldarda kólik qozǵalysy ishinara shekteledi. Sportshylardyń júgirip ótýine qarai joldar kezeń-kezeńimen ashylyp otyrady. Marafonnyń sóre jáne máre syzyǵy Respýblika alańynda ornalasady.
27 qyrkúiek kúni saǵat 06:00-den bastap 28 qyrkúiek saǵat 22:00-ge deiin Sátbaev kóshesiniń Jeltoqsan kóshesinen Nazarbaev dańǵylyna deiingi bóliginde eki baǵyttaǵy kólik qozǵalysy toqtatylady.
Al Nazarbaev dańǵylynda Sátbaev kóshesinen Ál-Farabi dańǵylyna deiingi aralyqta kólik qozǵalysy saǵat 06:25-ten 09:35-ke deiin tolyqtai toqtatylady.
Is-shara ótetin kúni Ál-Farabi dańǵylynda Nazarbaev dańǵylynan Shashkin kóshesine deiingi aralyqta saǵat 06:30-dan 09:45-ke deiin kólik qozǵalysy ishinara shekteledi. Ál-Farabi dańǵylynyń batys baǵytyndaǵy Shashkin kóshesinen Sain kóshesine deiingi aralyqta saǵat 06:35-ten 10:15-ke deiin kólik qozǵalysy ishinara shekteledi. Kósheniń ońtústik jaǵy avtokólik qozǵalysy úshin ashyq bolady.
Foto: almaty-marathon.kz
Sain kóshesiniń soltústik baǵytyndaǵy Ál-Farabi dańǵylynan Abai dańǵylyna deiingi bóligi saǵat 07:00-den 11:00-ge deiin jabylady. Abai dańǵylynyń shyǵys baǵytyndaǵy Sain kóshesinen Rozybakiev kóshesine deiingi bóligi saǵat 07:10-nan 11:30-ǵa deiin jabylady. Dańǵyldyń soltústik jaǵy avtokólik qozǵalysy úshin ashyq bolady.
Abai dańǵylynda Rozybakiev kóshesinen Baitursynov kóshesine deiingi bóligi saǵat 07:20-dan 12:00-ge deiin tolyqtai jabylady. Balamaly qozǵalys ál-Farabi dańǵyly arqyly júzege asyrylady.
Baitursynov kóshesiniń boiymen Abai dańǵylynan Sátbaev kóshesine deiingi aralyqta kólik qozǵalysy saǵat 07:30-dan 12:15-ke deiin tolyqtai jabylady.
Sátbaev kóshesiniń boiymen shyǵys baǵytta Baitursynov kóshesinen Jeltoqsan kóshesine deiingi bóligi saǵat 07:40-tan 12:30-ǵa deiin tolyqtai jabylady.
Sondai-aq Jeltoqsan kóshesiniń boiymen Abai dańǵylynan Sátbaev kóshesine deiingi bóligi 27 qyrkúiek saǵat 18:00-den 28 qyrkúiek saǵat 16:00-ǵa deiin ishinara jabylady.
