Almaty mańynda ornalasqan «Aport Mall» saýda ortalyǵynan adamdar evakýatsiialanyp jatyr, dep habarlaidy "Ult aqparat".
«Búgin elektrondy poshta arqyly «Aport Mall» saýda oiyn-saýyq ortalyǵyna jarlǵysh zat qoiyldy» degen habarlama keldi. Barlyq jedel qyzmetter sol jerde. Osyǵan bailanysty biz saýda ortalyǵynyń barlyq kelýshisinen tótenshe jaǵdailar qyzmetine ortalyqty tekserýge kedergi keltirmeýin jáne dúrbeleń týǵyzbaýyn suraimyz», - dep habarlady Almaty oblysy Qarasai aýdanynyń ákimdigi.
Sondai-aq, Almaty politsiiasy ál-Farabi dańǵylyndaǵy «VILLA Boutiques & Restaurants keshenine bomba qoiylǵandyǵy» týraly habarlamany tekserip jatyr.
Buǵan deiin, áleýmettik jelide Almatydaǵy «Mart» saýda jáne oiyn-saýyq ortalyqtarynyń birinde «bomba qoiyldy» degen aqparat taraǵan bolatyn. Keiin tekserý aiaqtalǵany belgili boldy, nysanda jarylǵysh zat tabylǵan joq.
