Almaty oblysy Tótenshe jaǵdai departamentiniń órt sóndirýshileri poligonan shyqqan órtpen eki kún boiy arpalysyp jatyr, dep habarlaidy "Ult aqparat".
Tótenshe jaǵdai departamentiniń málimetinshe, búgingi kúnge deiin órtenip jatqan poligonǵa 500 tonnadan astam sý men topyraq sebildi.
«Órtti sóndirý jumystary jalǵasýda. Qazirgi ýaqytta ashyq ot pen qalyń tútin joq, byqsyp jatyr. Mi-8 tikushaǵy 39 ret kókke kóterilip,17tonna sý shashty. Órt sóndirýshilermen 168 tonna sý quiyldy, 255 tonna topyraq sebildi. Qoqys qaldyqtarynyń byqsyp janýy 10-15 metr tereńdikte bolǵanydqtan ony aýyzdyqtaý qiyndyq týdyrýda «, - dep túsindirdi TJD .
Órtti sóndirýge Almaty oblysy Tótenshe jaǵdailar departamenti, Ile aýdany ákimdigi, «ADK Taza Álem» JShS jáne «Alataý-Qus» zaýytynan 100-den astam adam men 30 dana tehnika jumyldyryldy.
Oqiǵa ornynda jedel shtab quryldy, aýdan ákimdigi janar-jaǵarmai jetkizý men órt sóndirýshilerge tamaq uiymdastyrdy. Qyzyl jalyn 3 ga jaiyldy, al poligonnyń jalpy aýdany - 38 ga.
Eske salaiyq, Ile aýdanyndaǵy Almaty-Óskemen tas jolynyń (35 km) qoqys poligonyna qatty qaldyqtardyń tutanǵany týraly habarlama 10 maýsymda saǵat 14.26-da oblystyq tótenshe jaǵdailar basqarmasyna túsken bolatyn.
Keiin qoqys poligonyndaǵy órtten Almaty-Qapshaǵai trassasynda 8 kólik soqtyǵysty.
Sondai–aq, órtti sóndirýge 3 tonna sý tasymaldaityn qurylǵysy bar MI-8 tikushaǵy qosyldy.
