الماتى وبلىسى تٶتەنشە جاعداي دەپارتامەنتٸنٸڭ ٶرت سٶندٸرۋشٸلەرٸ پوليگونان شىققان ٶرتپەن ەكٸ كٷن بويى ارپالىسىپ جاتىر, دەپ حابارلايدى "ۇلت اقپارات".
تٶتەنشە جاعداي دەپارتامەنتٸنٸڭ مەلٸمەتٸنشە, بٷگٸنگٸ كٷنگە دەيٸن ٶرتەنٸپ جاتقان پوليگونعا 500 توننادان استام سۋ مەن توپىراق سەبٸلدٸ.
«ٶرتتٸ سٶندٸرۋ جۇمىستارى جالعاسۋدا. قازٸرگٸ ۋاقىتتا اشىق وت پەن قالىڭ تٷتٸن جوق, بىقسىپ جاتىر. مي-8 تٸكۇشاعى 39 رەت كٶككە كٶتەرٸلٸپ,17توننا سۋ شاشتى. ٶرت سٶندٸرۋشٸلەرمەن 168 توننا سۋ قۇيىلدى, 255 توننا توپىراق سەبٸلدٸ. قوقىس قالدىقتارىنىڭ بىقسىپ جانۋى 10-15 مەتر تەرەڭدٸكتە بولعانىدقتان ونى اۋىزدىقتاۋ قيىندىق تۋدىرۋدا «, - دەپ تٷسٸندٸردٸ تجد .
ٶرتتٸ سٶندٸرۋگە الماتى وبلىسى تٶتەنشە جاعدايلار دەپارتامەنتٸ, ٸلە اۋدانى ەكٸمدٸگٸ, «ادك تازا ەلەم» جشس جەنە «الاتاۋ-قۇس» زاۋىتىنان 100-دەن استام ادام مەن 30 دانا تەحنيكا جۇمىلدىرىلدى.
وقيعا ورنىندا جەدەل شتاب قۇرىلدى, اۋدان ەكٸمدٸگٸ جانار-جاعارماي جەتكٸزۋ مەن ٶرت سٶندٸرۋشٸلەرگە تاماق ۇيىمداستىردى. قىزىل جالىن 3 گا جايىلدى, ال پوليگوننىڭ جالپى اۋدانى - 38 گا.
ەسكە سالايىق, ٸلە اۋدانىنداعى الماتى-ٶسكەمەن تاس جولىنىڭ (35 كم) قوقىس پوليگونىنا قاتتى قالدىقتاردىڭ تۇتانعانى تۋرالى حابارلاما 10 ماۋسىمدا ساعات 14.26-دا وبلىستىق تٶتەنشە جاعدايلار باسقارماسىنا تٷسكەن بولاتىن.
كەيٸن قوقىس پوليگونىنداعى ٶرتتەن الماتى-قاپشاعاي تراسساسىندا 8 كٶلٸك سوقتىعىستى.
سونداي–اق, ٶرتتٸ سٶندٸرۋگە 3 توننا سۋ تاسىمالدايتىن قۇرىلعىسى بار مي-8 تٸكۇشاعى قوسىلدى.
