1 maýsym kúngi aqparat boiynsha, Nur-Sultan qalasy, Aqmola jáne Qaraǵandy oblystary "qyzyl aimaqta" qalǵan. Eldegi eń iri qala Almaty qalasy "qyzyl aimaqtan" shyqty. Qazir "sary aimaqta" Almatydan bólek, Atyraý, Batys Qazaqstan, Qostanai, Pavlodar jáne Soltústik Qazaqstan oblystary tur. Qalǵan oblystar men qalalar "jasyl aimaqta".
Ótken táýlikte 1123 adamnyń analizinen koronavirýs anyqtalǵan. 30 mamyr kúngi málimetke sáikes, 11 adam koronavirýs pnevmoniiasyna shaldyqqan. 22 adam qaitys bolǵan: 19 adam - koronavirýstan, 3 adam koronavirýs pnevmoniiasynan kóz jumǵan.
31 mamyrda Qaraǵandy oblysynda – 259, Nur-Sultanda – 142, Almatyda – 195, Aqmola oblysynda – 79, Almaty oblysynda – 60, Pavlodar oblysynda – 60, Batys Qazaqstan oblysynda 56 adamnan koronavirýs anyqtaldy. Shymkentte – 20, Aqtóbe oblysynda – 11, Atyraý oblysynda – 30, Shyǵys Qazaqstan oblysynda – 71, Jambyl oblysynda – 29, Qostanai oblysynda – 40, Qyzylorda oblysynda – 9, Mańǵystaý oblysynda – 8, Soltústik Qazaqstan oblysynda – 41, Túrkistan oblysynda 13 naýqas tirkelgen.
Indet bastalǵaly beri 387 672 adamnyń PTR testi oń shyqqan. 3974-i qaitys bolǵan. Qazir 26 myńǵa jýyǵy emdelip jatyr.
Al 2020 jyldyń 1 tamyzynan beri koronavirýs pnevmoniiasyna shaldyqqandar 55 263 adamǵa jetti. 3369-y qaitys bolǵan. Qazir 521-i emdelip jatyr.
Densaýlyq saqtaý ministrliginiń málimetinshe, 629 naýqastyń jaǵdaiy aýyr, 148 naýqastyń jaǵdaiy óte aýyr, 95 naýqas jasandy tynys apparatyna qosylǵan.
Sońǵy málimet boiynsha, 2 mln 131 myń adam koronavirýsqa qarsy vaktsinanyń keminde bir dozasyn alǵan. 1 mln 74 myń adam eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm kompaniiasynyń BAÁ-de óndirilgen vaktsinasy egilip jatyr.
1 maýsymda elge koronavirýsqa qarsy qytailyq ekpeniń taǵy bir túri – CoronaVac vaktsinasynyń alǵashqy partiiasy (500 myń doza) jetkizildi. Ministrlik aldaǵy ýaqytta barlyq ekpe pýnkterinen CoronaVac-ti saldyrýǵa bolatynyn habarlady. Preparat Qytaidyń "Sinovac Biotech Ltd" biofarmatsevtikalyq kompaniiasynda óndirilgen. Eki dozalyq vaktsina 14-28 kún aralyǵynda salynady. +2 +8 gradýs aralyǵynda saqtalady.
Amerikalyq Djons Hopkins ýniversitetiniń dereginshe, indet bastalǵaly beri álemde 170 mln 587 myń adamnan koronavirýs anyqtalǵan. 3 mln 547 myń adam qaitys bolǵan.
