Almatynyń bas sanitarlyq dárigeri Jandarbek Bekshin koronavirýs boiynsha qalanyń «qoiý qyzyl» aimaqqa aýysqany týraly jańa qaýlyny túsindirdi, dep habarlaidy QazAqparat.
Spiker 29 shildedegi qaýlyǵa sáikes, 2-16 tamyz kúnderi «qoiý qyzyl» aimaq boiynsha shekteý sharalary engizilgenin atap ótti.
«Elimizdiń bas memlekettik sanitarlyq dárigeriniń qaýlysynda Almaty, Nur-Sultan, Shymkent, Atyraý jáne Qaraǵandy qalalarynda tamyzdyń 2-nen 16-na deiin «qoiý qyzyl» aimaq boiynsha, iaǵni demalys kúnderi shekteý sharalaryn engizý kerektigi aitylǵan. Osyǵan bailanysty biz de qaýly qabyldadyq.
Bul jumys aýrýdyń aldyn alý úshin qajet. Jaǵdaidyń óte kúrdeli ekenin ózderińiz de kórip otyrsyzdar. Jańa ǵana áriptesim Nariman Boltaiuly (Almaty qalasy Qoǵamdyq densaýlyq basqarmasynyń basshysy - red.) densaýlyq saqtaý infraqurylymymyz qandai qiyn jaǵdaida jumys istep jatqanyn, meditsina qyzmetkerleri aýrýdy tómendetý úshin qandai kúrdeli jumys atqaratynyn aityp berdi.
Biz de shekteý sharalaryn engizdik, endi barlyq nysandar «Ashyq» júiesinde bolmasa, jumys kúnderi de jabyq bolady. Al júiege qosylǵandar – jumys kúnderi 20:00-ge deiin qyzmet kórsete alady. Demalys kúnderi barlyq nysandar «Ashyq» júiesinde bolsa da, jumys istemeidi», - dep túsindirdi Bekshin.
