«Tsifrlyq Qazaqstan» memlekettik baǵdarlamasynyń aiasynda elimizdiń úsh aimaǵynda 2019 jyldyń 1 shildesinen bastap analogtyq telehabar taratý toqtatylady. Olar - Almaty, Qostanai jáne Pavlodar oblystary.
Tsifrlyq jerseriktik telehabar taratý beine men dybystyń sapasyn edáýir jaqsarady. Sonymen qatar jurtshylyqqa qoljetimdi arnalardyń sany artyp, jiilik resýrstardy únemdeidi jáne de jańa zamanaýi qyzmetterdi damytýǵa múmkindik beredi. Bul qyzmet halyqtyń erkin aqparat alýyna jáne tiimdi qyzmet kózderin paidalanýy úshin qolaily bolmaq.
«Tsifrlyq efirge kóshý, birinshi kezekte, mańyzdy áleýmettik mindetterdi sheshedi jáne Astana, Almaty jáne Shymkent turǵyndary men oblystyq teleradio kompaniialarynyń barlyq turǵyndary úshin 30 otandyq telearna qoljetimdi jáne tegin. Ortalyqtan tómengi oblystarda 15 otandyq telearna tsifrlyq joǵary sapada habar taratady. Ol analogtyq televiziia negizinde jasalýy múmkin emes, óitkeni ony kútip-ustaý jáne modernizatsiia jasaý kóp qarjyny qajet etedi. Sondai-aq, erkin radiojiilik resýrstarynyń shekteýli bolýyna bailanysty bolmaq», - dep túsindirdi «Qazteleradio» AQ baspasóz qyzmeti.
Tsifrlyq habar taratý júiesine kóshý barysynda óńirlerdegi radio men teledidar stantsiialary qaita jańartý jumystarynan ótken. Keibir aimaqtarda stantsiialar jańadan boi túzegen. Bul bastamalar eldimekenderdiń basym bóligin tsifrlyq efirlik teledidarmen qamtýǵa múmkindik beredi.
2018 jyldyń qorytyndysy boiynsha, Mańǵystaý, Jambyl, Túrkistan oblystarynda jáne Shymkent qalasynda tsifrlyq telehabar taratýǵa tolyqtai kóshirilgen.
Esterińizge sala keteiik, el boiynsha búkil álemdik analogtyq habar taratýdy óshirýmen tsifrlyq habar taratýǵa kezeń-kezeńmen kóshirý jobasy «Tsifrlyq Qazaqstan» memelekettik baǵdarlamasynyń aiasynda júzege asyp otyr.
