Terrorlyq shabýyldan keiin Almatyda Respýblika alańy men qalalyq ákimdik mańy qoqystan tazartyla bastady, - dep habarlaidy Tengrinews.kz tilshisi "Habar 24" telearnasyna silteme jasap.
Búgin arnaiy tehnika men júzdegen adam qyzý jumys istep jatyr. Kommýnaldyq qyzmetter áskeri qyzmetshiler zalalsyzdandyrǵan aýmaqtardy tazartady. Kesheden beri aýlalardan 950 tonna turmystyq qaldyq, kóshelerden 250 tonna qoqys shyǵarylǵan. Jospar boiynsha qala erteń tolyqtai qaldyqtan arylady. Quqyq qorǵaý organdary da óz mindetterin oryndaýdy jalǵastyryp jatyr.
"Kommýnaldyq kásiporyndar kóshe tazalaýmen ainalysyp jatyr. 300-den astam arnaiy tehnika jáne 700-ge jýyq adam kósheni tazalaý jumystaryn júrgizip jatyr. Keshe kóshe boiyndaǵy qaldyqtar tolyqtai tazalandy", - dedi qalalyq turǵyn úi saiasaty basqarmasynyń basshysy Eldos Jalǵabaev.
