Almaty ákimi Baqytjan Saǵyntaev máslihat depýtattarymen karantin kezinde sanitarlyq qaýipsizdikti qamtamasyz etý, qala tirshiligi men ekonomikasyn kezeń-kezeńimen qalpyna keltirý jospary Exit Strategy-di iske asyrý máselelerin talqylady, dep habarlaidy "Ult aqparat".
Beinekonferentsiia rejiminde ótken kezdesýde koronavirýs infektsiiasyna qarsy is-qimyl jáne epidemiologiialyq jaǵdaidy turaqtandyrý sharalary boiynsha máseleler pysyqtaldy. Sondai-aq kásiporyn qyzmetin kezeń-kezeńimen qaita jańǵyrtýǵa erekshe nazar aýdaryldy. Aldyn ala málimetter boiynsha, 20 sáýirden bastap sanitarlyq qaýipsizdikti saqtaý aýditinen keiin jumyspen qamtylǵandar sany 540 myń adamǵa jetti. Sonyń ishinde 200 myńǵa jýyǵy Almaty oblysynyń turǵyndary edi. Al 25 mamyrdan taǵy 84,2 myń adam jumysqa shyǵady.
Baqytjan Saǵyntaevtyń aitýynsha, ekonomikany qalpyna keltirýdiń negizgi baǵdarlamalary men tetikteri retinde «Jumyspen qamtýdyń jol kartasy», shaǵyn jáne orta biznesti qoldaý, turǵyn úi qurylysy, údemeli bilim berý nysandarynyń qurylysy bolyp tabylady.
«Jumyspen qamtýdyń jol kartasy» aiasynda 2020-2021 jyldarǵa jalpy somasy 103,9 mlrd teńge bolatyn 214 jobany iske asyrý josparlanǵan. Sondai-aq áleýmettik-mádeni jáne TKSh nysandaryn, kólik infraqurylymyn kúrdeli, ortasha jáne aǵymdaǵy jóndeýden ótkizý, qaita jóndeýden ótkizý men qurylys júrgizý, eldi mekenderdi abattandyrý kózdelgen. Buǵan qosa 26 myńǵa jýyq jumys orny qurylady. Joba paidalanýǵa berilgennen keiin 2 myńnan astam turaqty jumys orny ashylmaq.
Sondai-aq shahar basshysy shaǵyn jáne orta biznesti qoldaý basymdyqty mindetterdiń biri ekenin tilge tiek etti. Bul sheshimdi júzege asyrý arqyly Almatynyń eldiń qarjy jáne iskerlik ortalyǵy retinde qalyptasýyna tolyq negiz bola alatynyn erekshe atap ótti.
Ákimdik uiytqy bolǵan negizgi baǵdarlama Almaty Business-2025 bolyp tabylady. Sonymen qatar, ótken jyldan bastap respýblikada «bir tereze» qaǵidaty boiynsha jumys isteitin jalǵyz Qoldaý kásipkerlik ortalyǵy qyzmet kórsete bastady. Indýstrialdy aimaqtyń jumysy jandanyp, shaǵyn ónerkásiptik parkter qurylýda.
Atalǵan jobalar aiasynda «Eńbek»,«Qarapaiym zattar ekonomikasy», «Damý» KDQ arqyly jobalardy qoldaý sheńberinde kásipkerlik salasynda 10 myńnan astam jumys ornyn ashý josparlanýda.
