Almaty 20-30 jyldan soń ómir súrý sapasy jaǵynan álemdegi eń úzdik 100 qalanyń qataryna kiredi. Bul týraly búgin ótken brifing barysynda qalalyq Strategiia jáne biýdjet basqarmasynyń basshysy Nurtas Qaiyrov málimdedi, dep habarlaidy QazAqparat.
Onyń aitýynsha, «Almaty-2050» strategiiasy osy mejege jetýge múmkindik beredi.
«Bazalyq reiting retinde biz «Mercer» reitingisin alamyz. Búginde Almaty bul reiting boiynsha 177-orynda tur. Almatynyń 2050 jylǵa deiingi strategiiasynyń maqsaty biik qujat. 2 onjyldyqta josparǵa sáikes qala álemdegi ómir súrý sapasy jaǵynan eń úzdik 100 qalanyń ishine kiredi«,- dedi qalalyq Strategiia jáne biýdjet basqarmasynyń basshysy Nurtas Qaiyrov.
Onyń aitýynsha, aldaǵy 5 jylda qalanyń shetki aýdandaryn damytýǵa 800 mlrd teńge jumsalady. Bul qarajatqa Alataý jáne Naýryzbai aýdanynda infraqurylymdyq jelileri júrgiziledi.
Aita ketý kerek, Almaty ákimi Baqytjan Saǵyntaev keshe qalanyń 2050 jylǵa deiingi damý strategiiasyn jariialaǵan bolatyn. Qujatqa sáikes, qala 30 jylda 7 baǵyt boiynsha damityn bolady.
