Foto: ©️ Tengrinews.kz / Turar Qazanǵapov
Búginde Qazaqstandaǵy aqyly joldardyń tarifin kóterý talqylanyp jatyr. Bul týraly Kólik ministri Marat Qarabaev aitty, - dep habarlaidy Tengrinews.kz saity.
"Kelesi jyly Almaty - Qaraǵandy jolyn salyp bitiremiz dep oilaimyn. Bul jol jeńil kólikter úshin de aqyly bolady. 2025 jyly onda beinebaqylaý kameralary ornatylyp, aqyly júie engiziledi. Jańa aqyly joldarda tarif ózgere me? Búginde ondaǵy tarif - 1 teńge 20 tiyn (1 shaqyrym jolǵa - esk.). Biraq ondaǵy tarif kóterilýi múmkin. Máseleni talqylap jatyrmyz", - dedi ministr Úkimettiń baspasóz ortalyǵynda.
Marat Qarabaevtyń sózinshe, joldardy kútip ustaýǵa qarjy kerek.
"Biz tarif 1,20 teńge deńgeiinde qalady dep aityp otyrǵan joqpyz. Tarifti birtindep kóterý saiasatyn ustanamyz. Eń aldymen tranzitke basymdyq beriledi. Bári jaǵdaiǵa bailanysty. Tórtjolaqty (aqyly - esk.) joldardy alaiyq. Ony kútip ustaýǵa qarajat kerek. (Aqyly joldardaǵy - esk.) Ýchaskeler men shaqyrym da ártúrli. Osyny eskersek, aqyly joldardaǵy tariftiń quny da ártúrli bolady", - dedi vedomstvo basshysy.
