فوتو: ©️ Tengrinews.kz / تۇرار قازانعاپوۆ
بٷگٸندە قازاقستانداعى اقىلى جولداردىڭ تاريفٸن كٶتەرۋ تالقىلانىپ جاتىر. بۇل تۋرالى كٶلٸك مينيسترٸ مارات قاراباەۆ ايتتى, - دەپ حابارلايدى Tengrinews.kz سايتى.
"كەلەسٸ جىلى الماتى - قاراعاندى جولىن سالىپ بٸتٸرەمٸز دەپ ويلايمىن. بۇل جول جەڭٸل كٶلٸكتەر ٷشٸن دە اقىلى بولادى. 2025 جىلى وندا بەينەباقىلاۋ كامەرالارى ورناتىلىپ, اقىلى جٷيە ەنگٸزٸلەدٸ. جاڭا اقىلى جولداردا تاريف ٶزگەرە مە? بٷگٸندە ونداعى تاريف - 1 تەڭگە 20 تيىن (1 شاقىرىم جولعا - ەسك.). بٸراق ونداعى تاريف كٶتەرٸلۋٸ مٷمكٸن. مەسەلەنٸ تالقىلاپ جاتىرمىز", - دەدٸ مينيستر ٷكٸمەتتٸڭ باسپاسٶز ورتالىعىندا.
مارات قاراباەۆتىڭ سٶزٸنشە, جولداردى كٷتٸپ ۇستاۋعا قارجى كەرەك.
"بٸز تاريف 1,20 تەڭگە دەڭگەيٸندە قالادى دەپ ايتىپ وتىرعان جوقپىز. تاريفتٸ بٸرتٸندەپ كٶتەرۋ ساياساتىن ۇستانامىز. ەڭ الدىمەن ترانزيتكە باسىمدىق بەرٸلەدٸ. بەرٸ جاعدايعا بايلانىستى. تٶرتجولاقتى (اقىلى - ەسك.) جولداردى الايىق. ونى كٷتٸپ ۇستاۋعا قاراجات كەرەك. (اقىلى جولدارداعى - ەسك.) ۋچاسكەلەر مەن شاقىرىم دا ەرتٷرلٸ. وسىنى ەسكەرسەك, اقىلى جولدارداعى تاريفتٸڭ قۇنى دا ەرتٷرلٸ بولادى", - دەدٸ ۆەدومستۆو باسشىسى.
