Foto: Almaty ákimdigi
Almaty tarihy mýzeii Freedom Ticketon Awards 2025 nusqasy boiynsha «Jyl mýzeii» dep tanyldy.
Almaty mýzeii aitýly ataqqa ie bolyp, 3,5 million teńgege sertifikat aldy. Bul qarajat infraqurylymdy damytý men jańa aǵartýshylyq jobalarǵa jumsalady.
Baiqaýǵa elimizdiń iri mýzeileri qatysty: QR Ulttyq mýzeii, Qasteev atyndaǵy mýzei, «Áziret Sultan», QR Tuńǵysh Prezidenti ortalyǵy jáne basqalar. Bul jeńis Almaty mýzeiiniń Qazaqstannyń mańyzdy mádeni ortalyǵy retindegi mártebesin rastaidy.
Bul mýzeidiń alǵashqy marapaty emes. Almaty qalasy mýzeiler birlestiginiń quramyndaǵy Tarih mýzeii buǵan deiin de TÜRKSOY nusqasy boiynsha túrki áleminiń murasyn saqtaý men nasihattaýǵa qosqan úlesi úshin úzdik dep tanylǵan.
Almaty tarihy mýzeii – jai ǵana kórme zaly emes, bul qalamyz ben halqymyzdyń tarihy qaita jańǵyratyn keńistik.
