Foto: Syrym Itkulov
Májilis depýtattary Almaty qalasynda AQSh konsýldyq mekemesiniń ǵimaratyn salý úshin AQSh úkimetine jer telimin jalǵa berý týraly Qazaqstan-Amerika úkimetaralyq kelisimin ratifikatsiialady, dep habarlaidy Ult.kz.
Qujatqa 2024 jyldyń 27 qyrkúieginde Niý-Iork qalasynda qol qoiylǵan.
Sharttyń erejeleri jer ýchaskesin berý tártibi men sharttaryn anyqtaidy. Onyń aýdany – 70593 sharshy metr, jaldaý merzimi – 49 jyl. Jaldaý aqysy 25,3 million AQSh dollaryn quraidy jáne kelisim engizilgen kúnnen bastap kúntizbelik 30 (otyz) kún ishinde biryńǵai tólemmen tólenetin bolady.
Kelisimge sáikes AQSh úkimeti jaldaý aqysyn qospaǵanda, jer ýchaskesi men konsýldyq ǵimaratyna salyqtar men basqa tólemderdi tóleýden bosatylady. Bul rette ol konsýldyq ǵimaratynyń qurylysyna bailanysty kommýnaldyq qyzmetterdi Qazaqstanda qoldanystaǵy normativter men tarifterge sáikes tólei otyryp, ǵimaratty kútip-ustaýǵa jáne jóndeýge jumsalǵan shyǵystardy derbes tóleýge mindetteledi.
Ǵimaratty salý jáne jabdyqtaý úshin AQSh-ta óndirilgen materialdardy, jabdyqtar men taýarlardy paidalana alatyn AQSh merdigeri bas merdiger bolady. Olar kedendik tólemderden, import salyqtarynan jáne ruqsat alý talaptarynan bosatylady.
