Foto: Ǵalamtordan
Búgin túnde Astanada Almaty qalasy ákiminiń burynǵy orynbasary Erjan Babaqumarov kisi qolynan qaza tapty dep habarlaidy Ult.kz .
NEGE saitynyń habarlaýynsha túnde Astanada Almatynyń burynǵy ákiminiń orynbasary Erjan Babaqumarov soqqyǵa jyǵylǵan. Ol alǵan jaraqattarynan qaza tapqan. Qazir oqiǵanyń tolyq mán-jaiy anyqtalyp jatyr.
Kazinform-nyń jazýynsha Qaiǵyly oqiǵa 30 qazanǵa qaraǵan túni bolǵan. Aldyn ala málimet boiynsha, Erjan Babakýmarov tanystarymen birge kesh ótkizgen. Jinalǵandardyń arasynda janjal týyndap, tóbeleske ulasqan. Soqqy saldarynan alǵan jaraqattarynan Babakýmarov kóz jumǵan.
Astana qalalyq politsiia departamenti Erjan Babaqumarovtyń ólimine qatysty iske túsinikteme berdi.
"Aldyn ala málimet boiynsha, burynnan tanys adamdar arasynda sózge kelý bolyp, ol janjal tóbeleske ulasqan. Nátijesinde 56 jastaǵy er adam alǵan jaraqattarynan qaitys bolǵan. Kúdikti ustalyp, ýaqytsha ustaý izoliatoryna qamaldy. Qylmystyq is boiynsha tergeý amaldary júrgizilýde", delingen habarlamada.
Aita keteiik, Erjan Babaqumarov 1969 jyly 2 naýryzda dúniege kelgen. 2019 – 2022 jyldar aralyǵynda Almaty qalasy ákiminiń orynbasary qyzmetin atqardy.
