Almatyda Almaty Invest Forum aiasynda quny 2,3 mlrd AQSh dollary bolatyn 31 kelisimshartqa qol qoiyldy. Bul týraly brifing barysynda qala ákiminiń orynbasary Saparbek Tuiaqov málim etti, – dep habarlaidy «Ult aqparat».
Onyń aitýynsha, forým aiasynda qala damýynyń basym baǵyttary aiqyndaldy.
«Bul bizge halyqaralyq deńgeige shyǵýǵa múmkindik beredi. Iaǵni, osy kórsetiletin qyzmetterdi eksportqa shyǵarýǵa bolady. Búgingi jiynnyń nátijesinde Almatynyń investitsiialyq áleýeti óte joǵary ekendigin baiqadyq. Forým barysynda biznes qaýymdastyq pen ákimdik arasynda quny 2,3 mlrd AQSh dollary bolatyn 31 qujatqa qol qoiyldy» dedi Sparabek Tuiaqov.
Osyndai aýqymdy jobalardyń biri – áýejaidy qaita jańǵyrtý bolyp otyr.
«Almaty áýejaiyn qaita jańǵyrtýǵa álemdegi eń iri 6 kompaniianyń biri qyzyǵýshylyq tanytty. Alǵashqy 2 jylda jańa terminaldy salýǵa - 150 mln eýro, 5 jylda 500 mln eýro investitsiialanady. Qala biligi investormen birige otyryp Almatyny týristik habqa ainaldyrýdy kózdep otyr. Biz osy jobany uzaq kúttik. Jaqynda 2 jylda qurylys jumystary bastalady» dedi ol.
Aita ketý kerek, Almaty Invest Forum 700-ge jýyq iskerlik ókili, 142 sheteldik, 126 halyqaralyq kompaniianyń ókili qatysqan bolatyn. Forýmnyń basty maqsaty qalanyń ivnestitsiialyq tartymdylyǵyn arttyrý bolyp otyr.
