Almatyda ekonomikanyń qai salasynda tómendeý bolǵany belgili boldy. Bul týraly qala ákimi Baqytjan Saǵyntaev onlain brifing kezinde aitty, dep habarlaidy QazAqparat.
Almaty qalasynyń 2020 jylǵy qańtar-sáýir ailaryndaǵy ekonomikalyq kórsetkishi byltyrǵymen salystyrǵanda 9,2 paiyzǵa tómendegen.
«Qalada jalpy ekonomikalyq kórsetkish 9,2 paiyzǵa, investitsiia 8,6 paiyzǵa kemigen. Infliatsiia byltyrǵymen salystyrǵanda 3,4 paiyzǵa ósken. Ásirese saýda jáne kólik tasymaly salasy kóbirek zardap shekti», - dedi B. Saǵyntaev.
Onyń aitýynsha, sońǵy 5 aida 174 mlrd teńge salyq túsken. Qańtar, aqpan, naýryz ailarynda salyq túsimi + kórsetip tursa, sáýir aiynda – 3,3 mlrd teńge, mamyrda 10,8 mlrd teńge shyǵyn keltirildi.
«Osy oraida barlyq kásipkerlik sýbektilerinde barynsha jumys ornyn saqtap qalý kózdelip otyr. Sonymen qatar, olardy pandemiia ahýalynda jumys isteýge beiimdeýge týra keledi», - dedi ákim.
