Almaty dárigerleri barlyq turǵyndardy jasyna qaramastan vaktsina alýǵa shaqyrdy, dep habarlaidy QazAqparat.
Almaty qalalyq Qoǵamdyq densaýlyq saqtaý basqarmasy basshysynyń orynbasary Laýra Myrzaǵalidyń aitýynsha, vaktsinatsiia - infektsiianyń taralýyn toqtatýdyń jalǵyz joly.
«Tájiribe kórsetkendei, vaktsinatsiia jasóspirimder, aiaǵy aýyr áielder men bala emizetin analar úshin qaýipsiz. Búgingi tańda Almatyda Pfizer óndirgen Comirnaty preparatymen 20 329 adam vaktsinalandy, onyń ishinde 1207 júkti, 4152 bala emizetin ana jáne 14 970 jasóspirim bar», - dedi Densaýlyq saqtaý basqarmasynyń ókili.
Al tis dárigeri Gúlnar Sarimova koronavirýs tis pen aýyz qýysyna aýyr zaqym keltirýi múmkin ekenin eskertti.
Sonymen qatar, dáriger koronavirýs juqtyrǵan adamdarda dámniń buzylýy, kandidoz, súiek nekrozy, tistiń joǵalýy jáne aýzyndaǵy basqa patologiialyq jaǵdailar paida bolýy múmkin ekenin atap ótti.
«Men barlyq azamattardy vaktsinalanýǵa shaqyramyn. Óitkeni infektsiia immýnitetti aitarlyqtai tómendetedi. Stomatologiialyq aýrýlar immýndyq qorǵanystyń álsireýine bailanysty paida bolýy múmkin», - dedi tis dárigeri.
