Shymkent aýrýhanasynda ystyq sýmen jasalǵan klizmadan kúiip qalǵan sábi Almatydaǵy Pediatriia jáne balalar hirýrgiiasy ǵylymi ortalyǵynda em qabyldaýda, dep habarlaidy QazAqparat tilshisi.
Almatylyq dárigerler kishkentai patsienttiń qazirgi jaǵdaiy týraly aityp berdi.
«Balanyń qazirgi jaǵdai «ortasha» dep baǵalanýda. Bizge túskennen bastap barlyq tekserý júrgizildi. Rektoskopiia jasaldy. Nátijesinde, tikishektiń shyryshty qabatynyń giperemiiasy anyqtaldy. Teri kúiiginiń tereńdigi 1-2 dárejeli. Ota jasaýdyń qajettiligi joq. Aýyrsyný sindromy joq», - dedi Ortalyq basshysy Riza Boranbaeva.
Mamandardyń aitýynsha, bala qazir anasymen birge palatada jatyr. Tamaq ishedi, úlken dáreti de durys júredi.
Eske sala keteiik, Shymkent aýrýhanalarynyń birinde medbike 10 ailyq nárestege klizmany ystyq sýmen jasaǵan. Saldarynan bala kúiik jaraqatymen aýrýhananyń jansaqtaý bóliminen bir-aq shyqty.
Keiin sábi sanaviatsiiamen Almatydaǵy Pediatriia jáne balalar hirýrgiiasy ǵylymi ortalyǵyna jetkizildi.
Atalǵan jaǵdaiǵa qatysty pikirin Densaýlyq saqtaý ministri Eljan Birtanov bildirgen bolatyn.
Atalǵan fakti boiynsha 2 medbike jumystan shyǵaryldy, bas medbike qyzmetinen alyndy, bas dárigerdiń orynbasary men emdeýshi dárigerge qatań sógis jariialandy
