Almaty politsiiasy blokposta bolǵan jol apatyna aiypty, burynǵy politsiia qyzmetkeri Azat Azamatov týraly málimet taratty, dep habarlaidy "Ult aqparat".
«Azat Azamatov ishki ister organdarynda 2014 jyldyń 30 sáýirinen 2020 jyldyń 21 mamyryna deiin Patrýldik politsiia inspektory bolyp jumys istegen. Jol apatynan 4 kún buryn ol óz erkimen qyzmetinen ketken. Jaýapkershiliginiń tómen bolýyna bailanysty qyzmet etken jyldary 4 ret tártiptik jazaǵa tartylyp, birde-bir ret yntalandyrý syiaqysyn almaǵan. Jol apaty kezinde ol mas bolǵan. Ony sot-narkologiialyq saraptama kórsetti. Saraptama qorytyndysyna sáikes, ol ortasha dárejeli mas bolǵan. 25 mamyrdaǵy jol apatynan soń, jeke qurammen profilaktikalyq jumys aqsap turǵandyǵy týraly qorytyndy shyǵaryldy. Odan bólek, BAQ-qa jańsaq aqparat berilgenine bailanysty syn aityldy», - dedi politsiianyń baspasóz qyzmetinen.
Qazir bul derek boiynsha tergeý jumystary júrip jatyr. Qajetti saraptamalar taǵaiyndalǵan.
Kúdikti QR QK-niń 345-baby 1-bóligine sáikes 7-den 10 jylǵa deiin bas bostandyǵynan airylýy múmkin.
