الماتى پوليتسيياسى بلوكپوستا بولعان جول اپاتىنا ايىپتى, بۇرىنعى پوليتسييا قىزمەتكەرٸ ازات ازاماتوۆ تۋرالى مەلٸمەت تاراتتى, دەپ حابارلايدى "ۇلت اقپارات".
«ازات ازاماتوۆ ٸشكٸ ٸستەر ورگاندارىندا 2014 جىلدىڭ 30 سەۋٸرٸنەن 2020 جىلدىڭ 21 مامىرىنا دەيٸن پاترۋلدٸك پوليتسييا ينسپەكتورى بولىپ جۇمىس ٸستەگەن. جول اپاتىنان 4 كٷن بۇرىن ول ٶز ەركٸمەن قىزمەتٸنەن كەتكەن. جاۋاپكەرشٸلٸگٸنٸڭ تٶمەن بولۋىنا بايلانىستى قىزمەت ەتكەن جىلدارى 4 رەت تەرتٸپتٸك جازاعا تارتىلىپ, بٸردە-بٸر رەت ىنتالاندىرۋ سىياقىسىن الماعان. جول اپاتى كەزٸندە ول ماس بولعان. ونى سوت-ناركولوگييالىق ساراپتاما كٶرسەتتٸ. ساراپتاما قورىتىندىسىنا سەيكەس, ول ورتاشا دەرەجەلٸ ماس بولعان. 25 مامىرداعى جول اپاتىنان سوڭ, جەكە قۇراممەن پروفيلاكتيكالىق جۇمىس اقساپ تۇرعاندىعى تۋرالى قورىتىندى شىعارىلدى. ودان بٶلەك, باق-قا جاڭساق اقپارات بەرٸلگەنٸنە بايلانىستى سىن ايتىلدى», - دەدٸ پوليتسييانىڭ باسپاسٶز قىزمەتٸنەن.
قازٸر بۇل دەرەك بويىنشا تەرگەۋ جۇمىستارى جٷرٸپ جاتىر. قاجەتتٸ ساراپتامالار تاعايىندالعان.
كٷدٸكتٸ قر قك-نٸڭ 345-بابى 1-بٶلٸگٸنە سەيكەس 7-دەن 10 جىلعا دەيٸن باس بوستاندىعىنان ايرىلۋى مٷمكٸن.
