«Almatyelektrotrans» tasymaldaýshy kompaniiasy jolaýshylar sany kóp baǵyttarǵa qosymsha avtobýstar nelikten bólinbeitinin túsindirdi, dep habarlaidy "Ult aqparat".
Kompaniia ókilderiniń aitýynsha, avtobýs sany jaily turǵyndar jii shaǵymdanady.
«Kún saiyn «Almaty kólik holdingi» AQ-ǵa árbir tranzaktsiia týraly aqparat túsedi. «Ońai» júiesinde karta, SMS, QR-kod, júrgizýshiniń bileti taǵy basqa aqparattar kórinedi. Tranzaktsiia sany qarjylyq aǵyndy baqylaý úshin ǵana emes, jolaýshylar aǵynyna taldaý jasaýǵa da múmkindik beredi. Mamandar jolaýshylar sany kóp tirkelgen jerde qosymsha avtobýs bólýge sheshim qabyldaidy», - dedi tasymaldaýshy kompaniia ókilderi.
Keibir baǵyttarda jolaýshy kóp bolǵanmen, tólem tranzaktsiiasynyń sany az bolady.
«Máselen, №212 avtobýsta únemi adam kóp bolady. Biraq, tólem kólemi óte az. Al marshrýtqa avtobýs bólý úshin jolaýshylar sanynyń stastistikasy mańyzdy. Tek sol jaǵdaida ǵana qosymsha avtobýs bólinedi, bolmasa syiymdylyǵy joǵary avtobýsqa aýystyrylady», - dedi «Almatyelektrotrans» AQ-dan.
