Eske salaiyq, eki jasar bala uzaq ýaqyt Almaty aýrýhanalarynyń birinde bolǵan edi. Byltyr qyrkúiekten bastap biyl aqpannyń basyna deiin bul derek aitylmaǵan. Biraq keiinirek bul jaǵdai áleýmettik jelilerde jariialandy, sóitip ol qoǵamdyq rezonans týdyrdy.
Derekterge sai, bala 22 qyrkúiekte Asia Park SOO mańynan tabylǵan. Sonymen qatar, onyń qasynda ózin balanyń ákesimin dep tanystyrǵan er adam bolǵan. Onyń aitýynsha, olar Jambyl oblysynyń Merke aýylynan kelgen jáne balasymen birge turatyn jeri bolmaǵan. Er adam anasy balany tastap, belgisiz baǵytta ketip qalǵanyn, balaǵa qujattar jasamaǵanyn aitqan edi.
Politseiler balanyń ómiri men densaýlyǵyna qaýip tónip turǵasyn, ony aýrýhanaǵa jetkizgen. Tekseristen keiin 37 jastaǵy er adam bala aýrýhanada jatqan kezde qujattar jasap, baspana tabýǵa ýáde berdi. Alaida osydan keiin er adam joǵalyp ketken.
Áleýmettik jelilerdegi aiqai-shýdan keiin ákesi bolýy múmkin er adam qaita paida bolǵan. Sondai-aq, tastandy balanyń ájesi bolýy múmkin adam tabylǵan. Keiinirek bala ákesine beriletini belgili boldy.
