Qorǵanshylyq jáne qamqorshylyq organdary buǵan deiin birneshe ai boiy Almaty aýrýhanalarynyń birinde bolǵan eki jasar balany ákesine qaitarady, - dep habarlaidy Tengrinews.kz.
Qalalyq bilim basqarmasy málimetinshe, DNK saraptamasy eki jasar Táńirbergenniń ákesi 37 jastaǵy Meiirbek Tilepbaev ekenin rastaǵan.
"Sot boldy, DNK anyqtaldy. Er adam týý týraly kýálik jasaǵan boida balany ákesine beremiz", - dedi Almaty qalalyq bilim basqarmasynyń qorǵanshylyq jáne qamqorshylyq bóliminiń basshysy Janna Tasirova.
"Qyzmetkerler olardy Áýezov aýdandyq Politsiia basqarmasyna jetkizdi. Er adam onyń ákesi ekenin aitty, biraq qujattaryn kórsete almady. Onyń aitýynsha, olar Jambyl oblysy Merke aýylynan kelgen. Er adam balanyń anasy tastap, belgisiz baǵytta ketkenin, turatyn jeri joq ekenin aitty. Balanyń qujaty joq, sebebi anasy qujat jasamaǵan", - dedi Politsiia departamenti bastyǵynyń orynbasary Rýstam Ábdirahmanov.
Balanyń ómiri men densaýlyǵyna qaýip tóngendikten, politseiler ony tekserýge aýrýhanaǵa jetkizdi. Balanyń jaǵdaiyn teksergennen keiin dárigerler onyń deni saý ekenin aitty.
