Almatynyń qoǵamdyq oryndarynda azamattardyń mazasyn alǵan 95 jekemenshik taksi júrgizýshisi ákimshilik jaýapkershilikke tartyldy, dep habarlaidy "Ult aqparat".
Bul – jyl basynan bergi málimetter.
«WhatsApp-taǵy senim telefonymyzǵa jii túsetin shaǵymdardyń biri – jeke taksi júrgizýshileri jolaýshylarǵa qyzmetterin eshbir mádenietti saqtamai usynýy. Bul máseleni Almaty áýejaiyndaǵy tártip saqshylary únemi qadaǵalap otyrady. Politsiia departamentiniń qyzmetkerleri Almaty áýejaiynda qoǵamdyq tynyshtyqty qadaǵalaidy. Sonyń ishinde jeke taksi júrgizýshileri men sálemdeme berip jiberetin azamattardyń da tártibi nazarda», – dep málim etti Almaty áýejaiynyń baspasóz qyzmetinen.
Sonymen, aǵymdaǵy jyldyń 9 aiynda qoǵamdyq oryndarda jolaýshylardyń mazasyn qashyrǵan 95 adam ákimshilik jaýapkershilikke tartyldy. Olardyń segizi atalǵan zańbuzýshylyqty birneshe ret qaitalaǵan. Nátijesinde 17 adamǵa jalpy somasy 277 750 teńge aiyppul salyndy, úsheýi úsh táýlikke qamaýǵa alyndy, bireýi elden shyǵaryldy.
«Biz kóptegen jolaýshylar talap etkendei, bul máseleni túbegeili sheshe almaimyz. Sebebi, eshkimniń jeke avtokólik ielerin áýejaidaǵy turaqtan qýyp shyǵýǵa quqyǵy joq. Óitkeni bul aimaq qoǵamdyq bolyp tabylady. Olar tarif boiynsha turaqqa aqy tóleidi. Sondai-aq, taksi júrgizýshileriniń basym bóligi jeke kásipker bolyp sanalady. Olar zań boiynsha tirkelgen. Bizge bul máseleni sheshýge, qurmetti jolaýshylar aitarlyqtai kómektese alady. Eger taksi júrgizýshileri nemese sálemdeme berip jiberetin azamattar mazalaryn alsa, onda politsiiaǵa aryz túsire alady», - dedi kompaniianyń baspasóz qyzmetinen.
