Almatydaǵy áýejaida shý shyǵarǵan mas adam aiyppul arqalady, - dep habarlaidy Polisia.kz.
Kóliktegi politsiia departamenti Ákimshilik politsiia basqarmasynyń bastyǵy Dáýlet Moldahanovtyń aitýynsha, 5 jeltoqsanda Almaty qalasy áýejaiyndaǵy Jelilik politsiia bólimine áýekompaniianyń sýpervaizerinen tirkeý baǵanynda quqyqbuzýshy bar ekendi týraly habarlama kelip túsken. Oqiǵa ornyna dereý kelgen patrýldik politsiia jasaǵy tekserý kezinde quqyq buzýshynyń 35 jastaǵy elorda turǵyny ekeni anyqtady. Ol balaǵat sózder aityp, plastikalyq tirkeý baǵanyn syndyrǵan.
Jolaýshy Pavlodar qalasyna ushýy kerek edi. Alaida ol ózin dóreki ustaǵany úshin áýe tasymaldaýshysynyń ókilderi ony lainerge ótkizbegen. Er adamǵa qatysty kólik politseileri QR ÁQBtK 434-babynyń 2-bóligi ("Usaq buzaqylyq") jáne QR ÁQBtK 440-babynyń 1-bóligi ("Alkogoldik ishimdikter ishý nemese qoǵamdyq oryndarda masań kúiinde kelý") boiynsha birden eki ákimshilik hattama toltyryp, 5 ailyq eseptik kórsetkish mólsherinde aiyppul salǵan.
"Usaq buzaqylyq boiynsha material sheshim qabyldaý úshin Almaty qalasynyń Mamandandyrylǵan aýdanaralyq ákimshilik sotyna jiberildi. Aita ketý kerek, quqyq buzýshy bir jyl ishinde ekinshi ret usaq buzaqylyq boiynsha ákimshilik jaýapkershilikke tartylyp jatyr. Bul úshin oǵan on bes táýlikke deiin ákimshilik qamaýǵa alý jazasy taǵaiyndalýy múmkin", - dedi Dáýlet Moldahanov.
Politsiia málimetinshe, biyl áýekompaniialarynyń aktileri boiynsha túrli ákimshilik quqyq buzýshylyq jasaǵany úshin 708 jolaýshy áýe reisterinen túsirilgen, onyń ishinde qoǵamdyq oryndarǵa masań kúide kelgeni úshin - 276, ushaq bortynda temeki shekkeni úshin - 215, sondai-aq usaq buzaqylyq jasaǵany úshin - 63 tulǵa jáne taǵy basqaraly bar.
