Almaty áýejaiynda sanitarlyq-epidemiologiialyq baqylaý kúsheitildi. Bul týraly Almaty qalasy Sanitariialyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda aitty, dep habarlaidy "Ult aqparat".
«Qalanyń halyqaralyq áýejaiynda sanepid baqylaýdy kúsheitý boiynsha sharalar qabyldandy. QR Bas memlekettik sanitarlyq dárigeriniń 12.04.2021 j. №13 qaýlysyna sáikes Qazaqstanǵa ushyp kelý kezinde PTR nátijeleriniń bolýy mindetti. Máselen, anyqtamanyń joqtyǵynan 31 shetel azamaty deportatsiialandy», - dedi Ásel Qalyqova.
Onyń aitýynsha, Almatyda epidemiologiialyq ahýal áli de kúrdeli. Aita keterligi, qalalyqtardy COVID-19-ǵa qarsy jappai vaktsinalaý qarqyndy júrýde.
«4 mamyrdaǵy jaǵdai boiynsha ekpeni 226 258 adam aldy, onyń ishinde 4 878 politsiia qyzmetkeri, 18 210 pedagog, 24 391 dáriger. Egilgenderdiń jalpy sanyn 60 jastan asqan 30 256 adamdy quraidy», - deidi epidemiolog.
Sonymen qatar, ol halyqty koronavirýske qarsy ekpe alýǵa shaqyrdy.
«Almatylyqtaryń ekpe alǵandary jón, bul aǵzany koronavirýstyq infektsiianyń aýyr aǵymynan qorǵaýǵa, sondai-aq megapoliste ujymdyq immýnitetti qalyptastyrýǵa múmkindik beredi. Búgingi kúni meditsinalyq uiymdarda, mektepterde, mádeniet, sport nysandarynda, bazarlarda jáne qalanyń SOO-da 211 egý pýnkti jumys isteidi. Oǵan 1809 adamnan turatyn 402 egý brigadasy jumyldyrylǵan, - dedi ol.
