Almaty áýejaiynda mas jolaýshy men barmen tóbelesti.
Bul oqiǵanyń videosy jelide jariialandy.
Kóliktegi PD habarlaýynsha, bul oqiǵa 23 qarashada bolǵan.
«Kóliktegi PD Almaty jelilik bólimine Almaty halyqaralyq áýejaiy aýmaǵynda eki adam tóbelesip jatqany jaily habar tústi. Politsiia eki adamnyń kim ekenin anyqtady. Olar 30-31 jastaǵy jolaýshy men barmen ekeni belgili boldy», - dedi departament ókili.
«Almaty-Aqtaý» reisiniń jolaýshysy kútý zalyndaǵy bar ústelinde uiyqtap qalǵan.
Barmen ony oiatqanda jolaýshy tura salysymen dóreki minez kórsetken. Daýdyń arty tóbeleske ulasqan. Zalda bolǵan basqada kýágerler tóbeleskenderdi ajyratyp aldy.
24 qarashada barmen men bar iesi politsiiaǵa aryzdandy.
Meditsinalyq kýálandyrý nátijesinde jolaýshynyń orta dárejede mas bolǵany anyqtalǵan.
Qazirgi tańda QR QK 293-babynyń 1-bólimimen bul derek sotqa deiingi tergeý isi tizilimine tirkeldi.
