Túrkiianyń TAV kompaniiasy Almatynyń halyqaralyq áýejaiyn satyp alý protsedýrasyn aiaqtady, dep habarlaidy "Ult aqparat" Almaty halyqaralyq áýejaiynyń resmi saityna silteme jasap.
«TAV Airports (Groupe ADP quramyna kiredi) kompaniiasy satyp alýdy aiaqtap, eldiń ekonomikalyq astanasynda ornalasqan, Qazaqstannyń eń kóp jumys isteitin áýejaiy – Almaty qalasy áýejaiynyń operatsiialyq qyzmetin basqarýdy óz moinyna aldy. Mámile boiynsha esep aiyrysý aiaqtalǵannan keiin, TAV áýejai men otyn jetkizý jáne tamaqtaný qyzmetterin usynatyn bailanysty kásiporyndardyń 85% aktsiialarynyń benefitsiar iesi. Aktsiialardyń qalǵan 15% Vpe Capital basqaratyn Kazakhstan Infrastructure Fund qoryna tiesili», - dep habarlady Almaty halyqaralyq áýejaiynyń baspasóz qyzmetinen.
TAV kompaniiasy Almaty áýejaiyn ýaqytsha kelisim kontsessiiasy negizinde emes, menshik iesi quqyǵynda basqarady.
TAV Airports prezidenti jáne bas atqarýshy direktory Sani Shenerdiń aitýynsha, Almaty áýejaiynyń aitarlyqtai damý áleýeti bar.
«Biz Almaty áýejaiynyń aitarlyqtai ósý áleýeti bar dep sanaimyz jáne bizdiń kópjyldyq tájiribemizge súiene otyryp, osy áleýetti tolyq kólemde iske asyrý úshin jumys isteitin bolamyz. Búkil álem boiynsha áýejailardy basqaratyn iri toptyń bir bóligi retinde biz Almatyny óńirdiń iskerlik astanasy retinde jáne Qazaqstandy mádeni murasy bai jáne týristik áleýeti joǵary el retinde ilgeriletetin bolamyz. Bizdiń baǵyttardy jasaýdaǵy tájiribemiz Almatynyń álemmen kólik bailanysyn keńeitýge kómektesedi. Mysal retinde, Grýziiadaǵy áýejailardy basqarǵan 10 jyl ishinde biz baǵyttar sanyn eki esege arttyryp, jolaýshylar aǵynyn jeti esege arttyrdyq», - deidi Sani Shener.
Onyń sózinshe, pandemiiaǵa bailanysty trafiktiń tómendeýin eskere otyryp, buryn kelisilgen 415 million dollarlyq satyp alý baǵasy 365 million dollarǵa deiin tómendedi.
Trafiktiń pandemiiadan buryn qalpyna kelýine bailanysty satyp alýshylar konsortsiýmy bolashaqta qosymsha 50 million dollar tóleidi.
