Qazgidromet Almaty qalasyndaǵy aýadaǵy benz(a)piren quramyna qatysty birinshi aptadaǵy taldaýynyń nátijesin jariialady, dep habarlaidy "Ult aqparat".
1 maýsymnan bastap QR Ekologiia, geologiia jáne tabiǵi resýrstar ministrliginiń «Qazgidromet» RMK Almaty qalasynda atmosferalyq aýadaǵy benz(a)pirenniń quramyna monitoring júrgizedi.
Synama bes jerde, Amangeldi men Q.Sátbaev kósheleriniń qiylysynda, Raiymbek dańǵyly Naýryzbai batyr kóshesiniń qiylysynda, «Ainabulaq-3» shaǵyn aýdany, «Aqsai-3» shaǵyn aýdanynda, B. Momyshuly men Marechek kósheleriniń qiylysynda, «Tastaq-1» shaǵyn aýdany Tóle bi kóshesi 249-úidiń janyna alynǵan.
«Almaty qalasyndaǵy atmosferalyq aýanyń synamalaryn irikteý jáne taldaý nátijeleri boiynsha benz(a)piren kontsentratsiiasy 0,0002-0,0004 mkg/m3 sheginde, bul belgilengen normadan tómen (ShRSh = 0,001 mkg/m3)», delingen habarlamada.
Aita keterligi, benz(a)piren – kúshti kantserogendik belsendilikke ie, óte ýly. Aǵzaǵa áser etý dárejesi boiynsha qaýiptiliktiń I (joǵary) synybyna jatady. Kómirsýtekti suiyq, qatty jáne gaz tárizdi otynnyń janýy kezinde paida bolady (gaz tárizdi janý kezinde az dárejede), iri qalalarda kóbinese avtomobil kóligi kóp bóledi.
