Almaty Qazaqstandaǵy «aqyldy qalalar» reitingisinde birinshi oryn aldy. Bul týraly onlain brifing barysynda qalanyń Tsifrlandyrý basqarmasynyń basshysy Baian Qońyrbaev málim etti, dep habarlaidy "Ult aqparat".
Spikerdiń aitýynsha, qazirgi ýaqytta «Elektrondyq úkimettiń» servistik integratory «Zerde» holdingimen birlesip Almaty ákimdiginiń AT-arhitektýrasyn ázirleýde. Osy maqsatta aqparattyq júielerdi túgendeý, aǵymdaǵy ahýaldy taldaý júrgizildi jáne odan ári damý basymdyqtary aiqyndaldy.
«2020 jyldyń jarty jyldyǵynyń qorytyndysy boiynsha Almaty qalasy elimizdiń barlyq óńirleri arasynda «aqyldy» qalalar reitinginde birinshi orynǵa ie boldy. 2019 jyly biz ekinshi orynda edik. Bul reitingti aqparattandyrý salasyndaǵy ýákiletti organ «aqyldy» qalalardyń etalondyq standarty negizinde júrgizedi. Bul standart qala tirshiliginiń 11 baǵyty boiynsha 100-den astam jobany qamtidy», – dep atap ótti B. Qońyrbaev.
Qazirgi ýaqytta Almaty qalasy ákimdiginiń memlekettik qyzmetter túrleriniń 90% - elektrondy. Atap aitar bolsaq, balabaqsha.open-almaty.kz, bilimalmaty.kz aqparattyq júiesi, «Damýmed» meditsinalyq aqparattyq júiesi, «InfoLab» AJ, Avtomatty dispetcherlik aqparattyq júiesi, «Emdeýge jatqyzý biýrosy» portaly.
«Eger sizde qyzyqty qosymsha nemese jańa aqparattyq júieni qurý ideialary bolsa, olardy portalǵa ornalastyra alasyz. Eger sizderdiń usynystaryńyz qyzyqty bolsa, biz olardy júzege asyrýǵa kómektesemiz. AT-mamandaryn, kreativti tsifrlyq uiymdastyrýshylardy bizdiń portaldy óz ideialaryn ornalastyrý úshin paidalanýǵa shaqyramyz», — dep túiindedi spiker.
