Almaty ákimi «Medeý» biik taýly sport keshenindegi jańartý jumystarymen tanysty

Foto: Almaty ákimdigi

Almaty qalasynyń ákimi Darhan Satybaldy jumys sapary barysynda «Medeý» biik taýly sport keshenine baryp, júrgizilip jatqan jańartý jumystarymen tanysty, dep habarlaidy Ult.kz.

Qala basshysy jańǵyrtý kezinde Almatynyń sporttyq jáne mádeni murasynyń bir bóligi sanalatyn ańyzǵa ainalǵan muz aidyny kesheniniń tarihi kelbeti tolyq saqtalatynyn atap ótti.

Joba aiasynda halyqaralyq standartqa sai zamanaýi ári energiia únemdeitin keńistik qurý josparlanǵan. Bul úshin jańa tońazytqysh jabdyǵyn ornatý jáne injenerlik kommýnikatsiiany tolyq aýystyrý kózdelgen.

Foto: Almaty ákimdigi

Shyǵys qanattaǵy qonaq úi jańartylyp, batys tribýnada kofehanalar men demalys aimaǵy ornalasqan terrasa jasalady. Keshen aldynda jerasty parkinginiń ústinde «SUN-DECK» atalatyn kópfýnktsionaldy qoǵamdyq keńistik formatyndaǵy demalys aimaǵy paida bolady.

Irgeles aýmaqty kórkeitýge erekshe kóńil bólingen: júrginshiler aimaǵy, sholý alańdary jáne panoramalyq núkteler jasalady. Sonymen birge kógaldandyrý, zamanaýi jáne sáýlettik jaryq berý ornatylady. Múmkindigi shekteýli azamattar úshin eki jedelsaty qarastyrylǵan.

«Medeý» biik taýly sport keshenin jańartý jumystaryn 2027 jyly tórtinshi toqsanda aiaqtaý josparlanyp otyr.