Almaty ákimi Baqytjan Saǵyntaev sodyrlar tonap ketken saýda, qoǵamdyq tamaqtaný nysandaryn aralady, dep habarlaidy QazAqparat.
Qala ákimi «Ortalyq ámbebap dúken» saýda úiin aralap kórdi, munda 576 vitrina sóresi qiraǵan. Sondai-aq, qazirgi ýaqytta jalǵa alý aqysyn berý toqtatyldy.
Qala ákimi tártipsizdik saldarynan kásipteri zardap shekken kásipkerlermen kezdesti.
Kásipkerlermen kezdesý barysynda Baqytjan Saǵyntaev shaǵyn jáne orta biznestiń barlyq shyǵyndary óteletinin, saýda zaldary qalpyna keltiriletinin aitty. Tek ol úshin Úkimet daiyndap jatqan mehanizmniń anyqtalýyn kútý kerek.
Zardap shekken kásipkerlerdiń ótinishterin ýaqtyly pysyqtaý úshin politsiia departamentine kásipkerlerdiń ótinishterin qabyldaýdy uiymdastyrýdy tapsyrdy. Osy oraida «Atameken» UKP konsýltativtik kómek kórsetýde.
Baqytjan Saǵyntaev sondai-aq, «Mobilka», «Planeta elektroniki» saýda úilerin, «Qorǵan» qarý-jaraq dúkenin, «Solomon» sport taýarlary dúkenin jáne Q.Sátbaev kóshesindegi qoǵamdyq tamaqtaný nysandaryn aralady.
Barlyq derlik nysandarda búlikshiler beinebaqylaý júielerin ádeii isten shyǵarǵan. Tonaýshylar eń qundy zattardy alyp ketken nysandardy órtegen, al joǵaryda turatyn páter ieleri órtti sóndirýge kómektesken.
