الماتى ەكٸمٸ باقىتجان ساعىنتاەۆ سودىرلار توناپ كەتكەن ساۋدا, قوعامدىق تاماقتانۋ نىساندارىن ارالادى, دەپ حابارلايدى قازاقپارات.
قالا ەكٸمٸ «ورتالىق ەمبەباپ دٷكەن» ساۋدا ٷيٸن ارالاپ كٶردٸ, مۇندا 576 ۆيترينا سٶرەسٸ قيراعان. سونداي-اق, قازٸرگٸ ۋاقىتتا جالعا الۋ اقىسىن بەرۋ توقتاتىلدى.
قالا ەكٸمٸ تەرتٸپسٸزدٸك سالدارىنان كەسٸپتەرٸ زارداپ شەككەن كەسٸپكەرلەرمەن كەزدەستٸ.
كەسٸپكەرلەرمەن كەزدەسۋ بارىسىندا باقىتجان ساعىنتاەۆ شاعىن جەنە ورتا بيزنەستٸڭ بارلىق شىعىندارى ٶتەلەتٸنٸن, ساۋدا زالدارى قالپىنا كەلتٸرٸلەتٸنٸن ايتتى. تەك ول ٷشٸن ٷكٸمەت دايىنداپ جاتقان مەحانيزمنٸڭ انىقتالۋىن كٷتۋ كەرەك.
زارداپ شەككەن كەسٸپكەرلەردٸڭ ٶتٸنٸشتەرٸن ۋاقتىلى پىسىقتاۋ ٷشٸن پوليتسييا دەپارتامەنتٸنە كەسٸپكەرلەردٸڭ ٶتٸنٸشتەرٸن قابىلداۋدى ۇيىمداستىرۋدى تاپسىردى. وسى ورايدا «اتامەكەن» ۇكپ كونسۋلتاتيۆتٸك كٶمەك كٶرسەتۋدە.
باقىتجان ساعىنتاەۆ سونداي-اق, «موبيلكا», «پلانەتا ەلەكترونيكي» ساۋدا ٷيلەرٸن, «قورعان» قارۋ-جاراق دٷكەنٸن, «سولومون» سپورت تاۋارلارى دٷكەنٸن جەنە ق.سەتباەۆ كٶشەسٸندەگٸ قوعامدىق تاماقتانۋ نىساندارىن ارالادى.
بارلىق دەرلٸك نىسانداردا بٷلٸكشٸلەر بەينەباقىلاۋ جٷيەلەرٸن ەدەيٸ ٸستەن شىعارعان. توناۋشىلار ەڭ قۇندى زاتتاردى الىپ كەتكەن نىسانداردى ٶرتەگەن, ال جوعارىدا تۇراتىن پەتەر يەلەرٸ ٶرتتٸ سٶندٸرۋگە كٶمەكتەسكەن.
