Almaty ákimi Erbolat Dosaev shyǵyny 2 mlrd teńgege shyqqan ál-Farabi dańǵylyn jóndeý jumysyn toqtatty, dep habarlaidy QazAqparat.
«Ál-Farabi dańǵylynyń Úlken Almaty ainalma jolynan Sain kóshesine deiingi aralyqtaǵy aýmaǵyn ortasha jóndeýge josparlanǵan 2 milliard teńgeni qaladaǵy sapaly joly joq nemese jol tósenishi sapasyz aýdandardyń jol qurylysyna qaita bólý týraly sheshim qabyldaǵanymdy málimdeimin. Rezervterdi izdestirý jumystary jalǵasady», - dedi Prezidenttiń qatysýmen ótken Úkimettiń keńeitilgen otyrysynda Almaty ákimi Erbolat Dosaev.
Jańa Almatyny keshendi damytý jospary aiasynda keminde 100 shaqyrym jańa jol salynady.
2022 jyly qaladaǵy 2 jol airyǵyndaǵy jáne Áýezov kóshesin uzartý jumystary aiaqtalady.
«Osy jyldyń mamyr aiynda josparlanyp otyrǵan 2 metrostantsiiasynyń iske qosylýy jolaýshylar aǵynyn kúndelikti 30-dan 86 myń adamǵa deiin arttyrady», - dedi Almaty ákimi.
