Almaty ákimdigi jylý jelisinde bolǵan apattyń sebebin túsindirdi, dep habarlaidy "Ult aqparat".
Baspasóz qyzmetiniń habarlaýynsha, 14 qazanda 12:05-te JEO-2 stansasynan ystyq sý saǵatyna 3800 tonnadan 4200-ge artqan kezde qubyr jarylyp ketken. 12:27-de qalalyq TJD Bókeihanov Raiymbek kósheleriniń qiylysynda batysqa qarai tusta qubyr jarylǵany týraly habarlama tústi.
Apatty jaǵdaidy aýyzdyqtaý úshin «AlTS» apatty qyzmetiniń qyzmetkerleri, 18 adam men 9 tehnika jumyldyrylǵan.
«Jarylǵan qubyrdy jóndeýge 9 brigada tartyldy. Diametri 700 mm bolatyn jylý qubyry óte eskirgen. 1971 jyly paidalanýǵa berilgen. Qazir qubyrdyń tesilgen segmenti aýystyrylyp jatyr», - dedi ákimdikten.
Al atalǵan aimaqtaǵy tutynýshylarǵa ystyq sý birneshe saǵatta beriledi.
