Búgin 25 naýryzdan bastap Almaty ákimdigi qaladaǵy turǵyn úilerdiń podezderin dezinfektsiialaý jumystaryn bastady, dep habarlaidy "Ult aqparat".
«Qalalyq turǵyn úi saiasaty basqarmasy qala joldaryn kúnine 2 ret jýýdy josparlap otyr. Ol úshin 90 jýý tehnikasy, 54 trotýar jinaý tehnikasy, 962 jumysker jumyldyryldy. Taǵy 112 adam ýrnalar, oryndyqtar men aialdamalardy zararsyzdandyrýmen ainalysady», - dep málim etti Almaty ákimdiginen.
Búgin 25 naýryzda tańǵy 9-dan 32 brigada podezderdi jýýdy bastady.
Barlyǵy 2868 úidiń 8633 podezi men 1441 aýlasyn zararsyzdandyrý josparda bar.
«Jumys bastamas buryn dybys zoraitqysh arqyly jariialanady. Óńdeýden soń ár podezge kezekti óńdeý grafigi ilinedi. Búgin sonymen qatar, Esentai, Úlken Almaty jáne Terenkýr ózenderiniń jaǵalaýy óńdeledi», - dedi basqarmadan.
