Almaty óńirlik kommýnikatsiialar qyzmeti alańynda ótken onlain brifing barysynda Almaty qalasy Memlekettik aktivter basqarmasynyń basshysy Rústem Áliev shaǵyn jáne orta biznesti qoldaý sharalary týraly aityp berdi, dep habarlaidy QazAqparat.
QR Prezidenti Qasym-Jomart Toqaevtyń shaǵyn jáne orta biznesti qoldaý jáne damytý jónindegi tapsyrmasyna sáikes, Almaty qalasynyń ákimdigi biyl 20 naýryz ben 19 maýsym aralyǵynda shaǵyn jáne orta biznes ókilderimen kommýnaldyq menshik nysandaryndaǵy ǵimarattardy jalǵa alýdyń 612 sharty boiynsha jaldaý tólemderin toqtatty.
Sondai-aq, Memleket basshysynyń 2020 jylǵy 1 qyrkúiektegi joldaýynda memlekettik organdar men kvazimemlekettik sektorǵa tiesili jyljymaityn múlik obektileri boiynsha shaǵyn orta biznes úshin jaldaý aqysyn esepteýdi 1 qyrkúiekten bastap 2020 jyldyń sońyna deiin toqtata turý aitylǵan bolatyn.
Osyǵan bailanysty 1 qyrkúiekten bastap 2020 jyldyń sońyna deiin Almaty qalasy ákimdiginiń ShOB jalǵa alýshylarymen 499 jaldaý sharty boiynsha esepteý toqtatyldy. Biyl jaldaý tólemderin toqtata turýǵa 420 ótinim berildi.
2020 jylǵy 9 qazanda shaǵyn jáne orta biznes sýbektileri úshin 2020 jylǵy 20 maýsym men 31 jeltoqsan aralyǵyndaǵy memlekettik múlikti múliktik jaldaýǵa berý qaǵidalaryna ózgerister engizildi. Osynyń aiasynda jaldaý tólemderin toqtata turýǵa 140 ótinim berildi, onyń ishinde 124-i óńdeldi.
«Tsifrlyq Qazaqstan» memlekettik baǵdarlamasyn iske asyrý sheńberinde, Basqarma memlekettik múlikti jalǵa berý boiynsha barlyq suraqtarǵa jaýap bere alatyn Telegram-da @CSA_Almaty_bot virtýaldy konsýltantyn iske qosty.
