Foto: Almaty ákiminiń halyqpen kezdesý sátinen
Almaty ákimdigi Almaty ákimi Erbolat Dosaevtyń kómekshisi "ustaldy" degen aqparatqa qatysty pikir bildirdi, dep habarlaidy Ult.kz.
Vedomstvonyń baspasóz qyzmetiniń habarlaýynsha, belgisiz adamdar Almaty ákiminiń kómekshisi «ustaldy» degen jalǵan aqparatty taratqan. Habarlamaǵa Almaty oblysy Ile aýdany ákiminiń sýreti qosa berilgen.
«Osyǵan bailanysty Almaty ákimdigi jalǵan aqparat taratqan derekkózderdi anyqtaý úshin quqyq qorǵaý organdaryna júginetinin jáne tiisti sharalar qabyldaitynyn málimdeidi. Zańnamaǵa sáikes, jalǵan aqparat taratqany úshin ákimshilik jáne qylmystyq jaýapkershilik qarastyrylǵan», – dep habarlady vedomstvo.
Esterińizge sala keteiik, birneshe kún buryn Ile aýdanynyń ákimi Bagdat Qarasaevtyń qyzmettik ókilettikterin asyra paidalandy jáne bilikti teris paidalandy degen kúdikpen ustalǵany týraly aqparat taraǵan edi.
