Búgin Almaty ákiminiń orynbasary Saparbek Tuiaqbaev dári-dármekke qatysty onlain brifing ótkizdi, dep habarlaidy QazAqparat.
Onyń aitýynsha, osydan 2 apta buryn pandemiiaǵa bailanysty jekelegen dárilerge suranys edáýir ósip ketken bolatyn.
«Paratsetamoldy qalanyń jalpy tutynýy mamyr aiynda 50 myń bolsa, sońǵy eki aptada kúnine 100 myń satyldy. Jyl boiy temometrdiń 100 myńy saýdalansa, 2-3 kúnde 50 myń temometr satylyp ketti. Tutynýdyń, suranystyń ósýine bailanysty da tapshylyq týyndap otyr. Qazir máseleni turaqtandyrý úshin kúnine 2 ret monitoring jasap otyrmyz. Bastapqyda dárihanalardyń infraqurylymy suranysqa daiyn emes bolatyn. Másele sheshildi. Qazir sońǵy 1 aptada úlken dúrligý joq», - dedi Saparbek Tuiaqbaev.
Onyń aitýynsha, 1 shildeden bastap Almaty dárihanalaryna 900 myńǵa jýyq dári jetkizilgen.
«Odan bólek kúndelikti búkil kompaniialarda, dárihanalar qoimasynda da dáriniń bizdegi qoryna monitoring jasap otyrmyz. 846 myń dana dári bar.
1 ai kóleminde 3 mln 685 kelisimshart jasalǵan.
Paratsetamoldyń 185 myń danasy bar. 16 shildeden bastap ai sońyna deiin 2,2 mln qaptamasy keledi. Sondyqtan, keibir azamattardyń dári joq dep dabyl qaqqany shyndyqqa sáikespeidi», - dedi Tuiaqbaev.
